Kid’s to Kick’s…

It was third time in the week that I was kicked out by family discussions just because of two reasons that surrounds me all the time. These reasons are

• I AM YOUNGEST
• MY MIND IS ALWAYS FILLED WITH SUGESSTIONS EVEN WHEN NOT NEEDED

Nothing is there that makes me jealous but whenever I am kicked out I feel like beating them I mean how on earth its my fault that I landed as a third one in the family. Huh! I mean its not my fault if my mind is always filled with something or the other :( check this;

• 
  
  We were having this grand grand (grand here doesn’t mean older duffer it means big big very BIG) dinner just because I finally made my brother study and he succeeded with FLYING COLORS. This party should have been in honor of me but … The only issue we had was electricity problem. As this discussion was going on in front of me so I gave them my expert opinion. I suggested, Why don't they request KESC to give us support of light for only 3 hrs and we will gift them something. Now what was wrong with it? My mother said with nasty expression on her face; “I will be glad if you leave this place immediately as we have alot more to do then to listen to your suggestion..”.
  
  
  
• 
  
  There is this cute little girl in our family. White color, pink lips and green eyes, WHAT LOOKS SHE IS REALLY PRETTY ! (My mom’s expressions). So I asked my mother to get this girl booked for my brother. She stared me and I continued, “ Look! even Shan is not ready for getting married off-course he is young. So if you calculate he is 20 he still needs 6 years to settle and this girl is 10 years old so she will be 16 by that time. Ideal to get married MOM ”. She in a low voice just said two words “ SHUT UP ”.
  
  
• 
  
  It was time for me to pick a professional line for a bright career. When my father asked me what I am planning to do as he has doubts. I proudly explained him that I want to be a animal doctor, A VET. Our whole family was sitting and they all started staring me. My father patiently asked me why I want to be a VET and I replied “ Dad! I wont need a house job somewhere outside. We have 4 hens, 12 birds and a horse I will be able to practice all that at home na…’. My dad sighed and I am now doing … no no I am not practicing or studying animals and medicine but doing BS in PR … My father says its similar … I am in finals and still unable to find similarities…

- UnhingeD !!


P.S( Anyone found laughing will be given in the custody of my FAN LOVERS…)
P.S.S( All is fiction)

Khuwahish !

Khuwahish!

Ye meri beti ka kamra hai jise maray hoay teen din ho chukay. Aj uska soyam tha. Meri beti sab larkion se alag honay ki dawedar thi jab k yehi baat mjhe uski sab se aam lagti thi. Ye naheen tha ke wo meri ikloti olaaad thi na he ladli beti bas thori si khudsar, ziddi or mun-phutt si lerki thi (is baat par kisi ko shak nahin tha sewaye uskay) ussay ab lagnay laga tha ke jaise wo bilkul akaili hogai hai uski maa to kia main bhi ussay pyar naheen karti . Wo jab kabhi ghussay main ati yehi kehti ;
main mar bhi jaon gi to kisi ko kon sa farq parega main kon sa kisi ka beta hon! Ziyada se ziyada do roz sog manain ge sab.
main jab uski ye jazbati batain sunta hameesha hansta! Or us waqt ussay duniya ke gool ghumnay se lekar meray hansnay tak par ayteraz hota (main uskay jama kiye novels dekh raha tha. Usay ye shoq maa bap se virasat main mila tha). Usay duniya ko khud se taskheer karna acha lagta tha. Uska kamra hameesha bikhra rehta (main uskay takiye [pillow] par haath rakha) magar marne se pehlay wo isse itna saaf kar gai thi ke lag raha tha jaise wo abhi yaheen kisi konay se nikal kar ayegi mujhe betha daikhe gi hairan hokar or kahegi 'papa ap yahan kia kar rahain hain?'
Ye kamra meri beti ka sab se pasandeedah gosha [corner] tha ghar ka. Main apni beti k saray shikway dor karna chahta tha, ussay batana chahta tha ke main usse utna he pyar karta hon jitna apne baqi bachon se. Han ussay sab se ziada dantta tha magar isliye kaheen wo bigar na jaye. Tabhi meri biwi meray pass ayi .

"ye apkay liye aya tha" usne ik packet meri taraf barahaya, main ne oper uske chehray par nazar ki to wo bhi nam-alood tha shayed ussay bhi apne beti ki yad arahi hogi.

"kia hai ismain?" main ne usay pocha , usnay lailmi ka izhar kia or janay lagi. Main ne ussay darwaza band karkay janay ko kaha.

Packet khola to usmain ik card or kuch cheezain theen jin main ik leather ka wallet, ik kurta shalwar or ik parcha shamil tha. Main ne card uthaya (father's day ka card hoga) main ne sochtay sochtay card khola magar kholnay par pata chala ke wo to valentines day especial tha ( main hairan hoa bhala valentines day wish karne wala mjhe kon hosakta hai? ) card par meray naam ke ilawa chand satrain likhi hoi theen.

Although I hate Valentine's Day but this year,
I wished someone to be my valentine !
Who else it could be but you.
So will you be my valentine Dad?

Main ne ansoon ko saaf kiya aur nazam wala parcha uthayaparhna shuru kiya to ehsaas hoa ke ye to shayed wohi wali nazm hai jiska mazak meray betay mazak ura rahay thay, usne yeh poem kisi conest main bhi bheji thi shayed isi baat par mazak ura rahay thay main ne nazam ko ik bar phir ghor se parhna shuru kia;

Come With Me Before I Leave!

Death is on its way,

But before leaving you behind,

All alone on your own,

I've a feeling,

I should return once to you,

All the precious moments,

That you really deserve,

I want to hug you,

Kiss you and embrace you,

Like never before,

So that whenever you see yourself,

in a mirror or in someone's eyes,

It reminds you the love of mine,

The feel of mine,

As i want to live in you,

Yes! I knw i am in you,

But after me i know,

Your life will not stop,

Even i dont want so,

As all i want is just to,

LOVE YOU!
PROTECT YOU
&
INSPIRE YOU!

Main ne nazzam ke akhir main dekha to mujhe mukhtib karke meri beti ne do lines likheen theen;

Dad! ye nazam main ne apke liye likhi thi koi

man he naheen raha jisne

bhi parhi usne kaha ye koi dad k liye naheen

likh sakta main apki boht achi beti

naheen hon sirf achi bhi naheen hon magar

dad mujhe maaf kardijiyega or ye cheezain rakh

lejiye ga! kash main apko ye khud deti or app ko
agar cheezain pasand ati to app bhai ki tarhan

mujhe bhi galay lagatay! hai na dad!

Main ne apne apko apne bazon main bhench lia meri beti ko meray galay lagnay ka kitna shoq tha. Kash Papa ki jan! tum yahan hoteen to papa tumhain galay lagatay ik bar phir batatay ke wo tum se kitna pyar karte hain. Kash! Tum ye pehlay papa ko parhwateen to yun khali khuwahish liye to na jateen! Kash PAPA tumhari ye khuwahish puri kardetay! Kash Tum aj zinda hoteen!

------------------------------------------------------------------------------------------------

This is just another piece of mine. Hope you will feel and enjoy it while reading, as i enjoyed and i feeled while writting it! All thanks to my dad as while i wrote this he was away and his apartness made me write this! Readers please comment and suggest!

Thank-you!

- illusiOn!

'MulaQaat' ! (IV)

Before you proceed please make sure you read the previous context given be
MulaQaat ! (I)
MulaQaat ! (II)
MulaQaat ! (III)

Main ussay mili theek ussi jaga faqt ik haftay baad hi. Majboran milna kisse kehtay hain isse hum dono hi waqif thay magar ye kis tarhan ki majbori thi ? Dil ki majbori ya koi or majbori? Is sawal ke jawab se hum dono he nawaqif thay.Main waheen ja kar beth gayi jahan itnay din uske intezar main guzaray thay , ussi bench par jahan hum itnay din beth kar baatain kia karte thay. Kia ye bejaan cheezain bhi humari mojoodgi or ghair-mojodgi mehssos karte hain? Pata naheen kiun par mujhe aisa lagta tha ke ye bhi humari tarhan humaray rishton ko mehsos karte hain ye bhi humari tarhan rishton ki dhoop chah'on ko mehssos karte hain..
"I am sorry" main ne sir utha kar dekha .. sharmindgi chehra par liye wo mujh he ko dekh rahi thi. Main ne uske chehray par se nazrain hattain or samnay kehltay bachon ko dekhnay lagi

"Mujhe maloom hai tum mujh se bohat khafa ho par main sach main bohat jazbati hon pata naheen us roz kia kia keh gayi mujhe maaf kardo" Wo nadim thi magar meray ajeeb ehsaasat thay mujhe yun lag raha tha jaise kuch mehssos na ho raha ho uske chehray pe mayosi jhalki ankhon main shayed pani utra, mujhe theek se pata naheen chala meri ankhon ke gird ik ghubaar sa chah raha tha. Main ne apne haath ko chehray par rakha to maloom hoa ke meri palkain bheegi hoi theen meri ankhain ghubar se naheen balke ansoon se dhondhli hogai theen. Lafz thay ke galay main atkay hoay thay, Meray liye rishtay thay he itnay eham (Muzahika-khiz baat hai magar yeh bhi ik roop hai meray).Main ne chehray ar achanak behnay walay anson ko saaf kia or nazrain jhuka kar ussay baghair dekhay usse mukhatib kia

"Kaisi ho?"

"Theek hon Or tum" Usnay mera baat ko badlna mehsoos kia tha uska chehra androni jazbat ki tarjumani kar raha tha. Par agar chehra sab keh deta hai phir insaan ko lafzon ki kia hajat? Kiun lafz he jazbat ki taskeen bantay hain?Kiun izhar he zaroori hai?

"Main bhi theek hon" Main tamam sawal demagh main rakhay zaba'n par laye baghair usse jawab de rahi thi

"Tum mujhe maaf kardo!"Usne koi teesri bar kaha andaz ap bhi ilteja-ameez tha

"Bhool jao!" Main bas yehi keh payi warna andar uthnay wali tufa'n ke baad ke tabahi mujhe kuch bhi kehnay se baaz rakh rahi thi

"Naheen tum pehlay mujhe maaf karo mujhe pata hai tumharay saath main ne acha naheen kia" Wo misr thi

"Tum choro is baat ko" Mujhe naheen maloom kon si cheez thi jo mujhe [han main ne maaf tumhain kardia] jaise lafz kehnay se rook rahi thi

"Maaf kardo"

"Tum is baat ko bhool jao samjho kuch hoa he naheen"Main ne naram lehjay main usse kaha

"Tum bas ik bar kehdo tum ne mujhe maaf kardia" Wo bhi zid ki pakki thi

"Main ye naheen keh sakti" Main ne har mantay hoay kaha halankay main janti thi ke wo is baat ko bhi ghalat mayni main legi

"Kiun?" Wo hiran thi, main janti hon kiun ussay lagta tha shyed uske nazdeek uska karda gunah itna bara hai ke mai n usse maaf karna naheen chahti magar ye to waja na thi

"Isliye kiun ke meray nazdeek dosti mafff karne or maafi mangnay wala rishta naheen tum chali gayeen theen tum ne ghalat kia dukh dia magar phri tum agaeen or mujeh khushi di tum main ghum ko kiun yad karon?Jan tum agai to main kiun tumharay janay ke un nakleefdeh lamhon ko yad karon?" Main bass aisi he hon janti kuch ajeeb hon par rishton ki meray nazdeek yehi ehmiyat hai


P.S(jab humain khushi milay to lamhay bhar bhi ussay pechlay ghum main zaya karna himaqat ke sewa kuch naheen!)

To Be Continued...!

Tanahai !

Kehtay hain buray doston aur buri suhbato'n se tanhai bohat behtar hoti hai magar ye batain dar-haqiqat hamari zindagi main lafazi se ziada koi ehmiyat naheen rakhteen (sach kaha na?). Ajeeb baat ye hai ke bohat kam log hum main se 'Akailay-pan' aur 'Tanhai' ke darmiyan mojood farq se waqif hotay hain.. (Lijiye baaton baaton main ghar bhi agaya)
Jantay hain mujhe apnay ghar ki sab se achi aur sab buri baat ik he lagti hai aur wo hai hamaray ghar main mojood sab hi logon ki beinteha masroofiyat. Ab ye jo samnay walay kamray main aram se so raha hai isi ko dekh lain han han! yehi jo 1:00 bje tak asmaan par taray ginta hai ye mera sab se chota bhai hai umr hai 13 saal MASHALLAH se shehr ke meh'nge tareen school main parhta hai chand achay larko ka dost bhi hai, din bhar parhai or khail-kood main masroof rehta hai phir bhi khud ko "TANHA" mehsoos karta hai. Bhala hai koi baat?
Ab is kamray ke dai'n janib jo kamra hai na wo kamra mera dada-jan ka hai umr unki kareeban satar (70) hogi. Jawani main kabhi Allah ke agay naheen jhukay magar ab sirf yehi kam kartay hain. Ye bhi din bhar namazain shukranay ki, farz aur qaza ki ada kartay rehtay hain. Doston se bhi miltay rehtay hain phir bhi "TANHA" hojanay ka gila karte hain. Khuda ke saath bhi tanhai?
Yeh jo sehriyan charh kar samnay he darwaza hai ye meri behan ke kamray ka hai. Duniya ka koi kam karna uske bas ki baat naheen. Aray! wo to apna kam he minaton se karti hai wo bhi sirf zarori to hum hareeb kis khait ki moli hain? Din bhar mohtarama hamaray ghar ki riwayat ko barqarar rakhtay hoay ghar main mojood he naheen hoteen or jo kabhi waqr mayasar ajaye to t.v ke remote ki mano shamat ajati hai itni masroofiyat ke bawajood usse bhi "TANHA" honay ka gilla hai.
Ye dai'n janib khulnay wala darwaza un do hastiyon ke kamray main khulta hai jo humain duniya main lanay ka zarya banain hain. Bilkul jee humaray waldain, jo subha uthtay he kam ka aghaz kardetay hain. Ik kamray main rehnay walay ik dosray ki shakal se nafrat kartay hain itni nafrat ke na to ik dosray ki shakal dekhna chahtay hain aur na he dekhana chahtay hain. Dono apni he zaat main gum hain aur khud ko apni apni jaga "TANHA" mehsoos kartay hain.
Raha sawal mera to ye serhiyon se bai'n tarf janay wali simt par bana akhri darwaza meray kamray ka hai jahan hasb-e-haal cheezain be-thikana hongi. Kai kapray bistar par honge jinhain main har raat sonay se pehlay utha kar kursi par dal deta hun aur jab kursi par bethna ho to bistar par dal deta hon. Kamray main dakhil hotay he boo ayi thi na? ye paint ki hai. Meray ghar walon ko lagta hai ke main "TANHA" hon tabhi din bhar awaragardi karta rehta hon kamra bekhair ke rakhta hon jab ke sirf main janta hon ke
"Wo Sab Tanha hain Main To Sirf Akaila Hon"

'MulaQaat' ! (III)

"kuch hoa hai? gum sum kiun ho?" Uski awaz pe mujhe chokna he para wo haray se rang ke kapray se baal bandhay haray he suit main meray samnay khari thi
"Naheen!" main ne halkay se jawab detay hoay bench pe uskay bethnay ki jaga di
"Kya naheen? kuch hoa 'naheen' ya gum-sum 'naheen' ho" usnay bethtay he mera hath pakr lia ussay meray haath bohat achay lagtay thay wo aksar poochti thi ke main apni skin ke liya kia kerti hon main hameesha btati hon ke aisa kuch naheen hai magar ...
"............ pata hai.." wo shayed kuch keh rahi thi phir meri ghairmojoodgi mehssoos karke khamoosh hogai
"Kya hoa?" mujhe dekhtay hoay usne ik bar phir poocha magar main btati bhi to kia or kaise btati wo to kuch janti hi nahin thi main ne btaya he kab tha uska bhi qasoor naheen tha mukamal..
"Kuch naheen! kahir tum btao tumharay admission ka kia bana?" Main ne uski tawajjo uske oper mabzool karwani chahi magar wo bhi to apne he naam ki ik thi bhala kaise mumkin tha ke wo man jati
"Tum mujhe apna dost naheen manti na?" usne afsurdgi se pooocha
"awww! ye kisne kaha ? isa kuch bhi naheen hai" main ne hiran hotay hoay use jawa dia
"Aisa he hai kiun agar main tumhari dost oti to tum mujh se apni batain share karteen tu meri dost ho main tumhari dost naheen hon mujhe pata hai" usne meri sooch se zyada gehri baat ki
"Kya ye dono ik he baat naheen hai?" main ne usse ik baar phir behlanay ki koshish ki
"Tum mujhe bacha kiun samjhti ho?" usse ghssa agaya
" Bacha samjhnay ki kya baat hai?" main abhi bhi kuch samjhnahin payi ke yakdam usse kia hoa
"Yar please! aisay mat act karo jaise tumhain pata he na ho ke main kia baat kar rahi hon" wo kapray jhartay hoay khari hogai
"Suno! to ... yar hoa kya?" main usse poochti reh gayi magar wo rukay baghair sunay baghir chalti chali gayi..

Pata hai main abhi tak uske intezar main bethi hon pata naheen kiun par mujhe khushfehmi hai ke wo wapis zaroor ayigi magar kya mazi main se koi yun naraz hokar jata hoa palta hai ? jo wo paltay? naheen na! phir? mujhe kiun mujhe aisa lagta hai ? Sandy kehti hai sawal karna achi baat hai.. waqai? kabhi kabhi main bohat ajeeb hojateen hon janay walaon ko aksar yehi shikayat rehti hai magar .. or kia karon? unhain rokon? magar unhain rukna he tha to wo gaye kiun? Azzan shuru hogai hai ahhh! mjhe bhi chalna chahiye.. WO BHI NAHEEN AYEGI! kam se kam aj ki tareekh main to naheen [hehehe] mujhe pata hai yun hansna pagalpan hai magar...
To Be Continued..!

MulaQaat ! (I)

"hum pphir milain ge.. ""magar suno to.."
"nahin phir kabhi sahi aj nahin jaldi hai"
"par..""par.. woh hotay to tumhain bhi ura le jati par hain he nahin"
"meri baat to suno.."
"kal suno gi aj waqt khatum hoa"
"kal?"
"han .. kal yaheen milna.."
Wo roz yehi to karti thi .. har bar yehi hota tha mujhe bura bhi lagta tha magar kia kiya ja sakta hai us say milna bhi zaroori tha. Koi or ye dekh le to yaqen na kare k ye mein keh rahi hon mein.. jo logon mein na jane kia kia mashoor hon han mein .. mein uski sari naaz bardariyan bardasht karti hon KIUN? kiun k wo mujh se kuch nahin pochti , mujhe kuraidti naahin .. Anjaane mein meray kisi zakhum ko hara nahin karti bas ati hai cheekhti hoi kabhi hansti hoi or kabhi chotay bachon ki tarhan roti hoi.. Usay mujhe se chota ban'na acha to nahin lagta tha magar wo tajarbay ki bhati mein he nahin umr mein bhi mujh se kuch choti hi thi go k asal umr usnay mujh kabhi nahin batai par mera andaza hai .. :) roz ki tarhan wo kal phir mujhe milegi najany kab tak wo milegi shyed tab tak jabtak ussay koi dost nahin mil jata (hum ik dosray ko dost nahin mantay) wo kehti hai waqt ne usay ik acha dost sabit kabhi nahin kia so.. hum dost nahin ban saktay. Usay najane kia kia ghalat fehmiyan thi.. ussay lagta tha ke mein bohat aqal mand hon isiliye chup rehti hon .. jab k mein to.. shayed lafz bolna bhool gayi hon jabhi chup hon ussey pata nahin k main chup hon kiun k meray ander bohat khamoshi hai.. Usay dost achay lagtay hain aisa nahin k uske dost hain he nahin magar wo yehi kehti hai ya shyed wo uski dosti k may'ar par pura nahin utartay hi nahin honge ye bhi hosakta hai wo he unko na samjh pati ho .. mein hameesha is "HO SAKTA" or "SHAYED" mein phansi rehti hon or wo.. wo itnay yaqeen se kehti hai jo kehna chahti hai k uski baaton main mojood yaqeen pr yaqeen karnay ko jee chahta hai.. Uske pass masail or shikayat ka ambar laga rehta hai jab mein uske samnay ye kehti hon to wo palat kar tunak kar kehti hai
" Fursat milegi to inahin dil k daftar mein saja dongi magar jab fursat milegi tab"
"fursat mili or tm bhool gayeen to?"
"to kia? tum ho na yaad dilanay k liye.."
"mein kia isliye hon?"
"to kis liye ho?"
"is kam k liye hargiz nahin hon"
"oho.. msroof bandi ko to dekho"
"shaksiyat b ap keh saktin theen"
"han han wohi nasihat bibi"Mein jab ussay kuch samjhati wo yunhi karti thi kabhi mujhe nsihat bibi kehti kabhi aflatoon kabhi kuch kabhi kuch or jab mein kuch nahin kehti thi tab halke se meray kan mein kehti..
"Tumhari sab se buri baat yehi hai k tum dil ko zaban se rabta nahin karne deteen"
"matlab?"
"Tum sooch k batao k akhri bar kab kisi ko palat kar kuch kaha tum ne jb kisi ne meri tarhan tumhain tang kia? sooch k batao"
"phr sochnay do"
Wo samnay khari thi or main soochne sochne mein najane kitnay kos peechay chali gayi thi.. kuch dar thay jinahin mein ik bar phir kholany lagi thi k usnay mujhe phir jagaya.."Aye..l mein ja rahi hon kal milain ge..""magar..""KAL .. kal milain ge"wo kabhi alvida bhi nahin kehti thi na hi mujhe kehnay deti thi usay kabhi "GOOD-BYE'S" achay nahin lagtay thay or mujhe .. sirf ye kam achay se karna ata tha...


To Be Continued..

Khoo'n Baha!

Wo kamray main band thi, subha se sewai mayi khira'n ke kisi ne andar jahanka tak na tha. Agar roz ki tarhan ka ye koi din hota to Amma Bi (dadi) zaror adhamktee'n ke wo bahar kiun nahin ayi, nashta kiun nahin karti or ik jumla to zaroor keheen"Ni Zhora! ye sawairay sawiray kia nahosat pehla rakhi hai chal bahar aa" Ye sooch kar he uske lab muskura uthay magar dil amin khayal aya ke (Ye aam din he to nahin hai warna aj bhi roz ki tarhan baba mujhe uthatay main ankhain band karti jhoot moot or wo piyar se meray bal sehltay rehtay jab tak main uth na jati). Han ye aam din kaise hosakta hai aj faislay ka din jo tehra. Wo khud bahar nikal ayi dekha ke amma bi, Maui khira'n, Bharjai, Adi or Amma sab janamaz par behtay kisi mojzay ke muntazir hain.. (Ye mojzay kia aj bhi hoa karte hain) usne soocha phir asmaan ki janib nigha ki (kia wo waqai wo KHUDA hai agar wo khuda hai to ye "fasila" karne walay kon hotay hain .. ye kon log hain jo zindagi or maut ke malik o mukhtar banay behttay hain) wo sooch he rahi thi ke shoor utha "Sai'een" ghar main dakhil hotay hain.. Wo dorti hoi dalan pohanchi jahan anjaan loogon ke darmiyan afsurda sa uska BABA chala ata tha.."Baba! Baba!" wo unhain pukrna chahti thi magar ye kia.. unke saath wo bhi th jiska aj faisla hona tha .. (To kia wo jeet gaye thay faisla?) dil-e-nadan main khushgumani paida hoi ke dimgh baba ke chehra par afsurdagi ko dil ki khushgumani par ghalib lata hai (to kia wo har gaye?)

--------------------------Manzar badalata hai!---------------------------------

Kamray main behtta wo shaks kisi katya main nahin balkay apni alishan khoti main sir diye yun behtha tha jaise sab luta aya ho Or kiun na behtha aj wo apne bettay ke muqablay main betti ko har he to aya tha. Wo betti jo jab is duniya main ayi thi to usne na janay kitnay ghareebon ko khana khilaya tha, ktnay he umra'a ko taheef bhejwaye thay. Kitnay he din jashn mana kar usne us betti ke anay ki khushi manai thi tab kisi ki yad aj ke din ki tarhan zehn main utri thi uski jisne lal jora pehan kar usse bad dua di thi kaha tha" Main to ja rahi hon magar Khuda kare ke to us dard ko mehsoos kar sakay jo meray bap ne saha hai, teri betti bhi kisi ke karda gunahon ki saza bhugtay"Han wo baddua sach hogai thi . Wo ladli usse cheen li gai thi wo jiski subha apne baba ke baghair nahin hoti thi.. gar usay puri zindgai ussi bap ke baghair guzarni pari to kia wo jee paye gi?Kamray pe dastak use khayalat ki mehfil se bahar le to ayeen magar wo ab bhi gum sum tha.. Anay wali ne uske pass zameen main beth kar uske pair pakkar liye thay"Saie'en kuch to karo! meri bachi ko bacha lo""Kiun Maryum! tumahin to betta chahiye tha na.. Babba khush ho tumko tumhara betta mil gaya..""nahin sai'een! meri bachi bohat choti hai wo nahin jee pai gi! sai'een! usse bacha lo wo .. to tumaharay baghair mar jayegi... Jargha kia kehta hai koi to dosra rasta hoga?""Han rasta hai! hum unki betti ko apni bahoo bana lain..""Sai'een karlo aisa main tumharay pair parti hon meri bachi ko bacha lo .. unki betti ko main seenay se laga kar rakhon gi""Magar hm...""Naheen Sai'een kab tak (anaya wali girbaan pe hatth dalti hai) zulm ki inteha karo ge? kab tak oladon ko zmeen ke wastay qurbaan karo ge! Nahin sai'een mujhe nahin maloom mujhe betti la do wapis wo mar jayegi.. tum usay na dekho to uska dil toot jata hai wo ghantoo'n sooochti rehti hai ke uska bap usse be-inteha chahnay wala ussay nazarandaz kiun kar raha hai? Ik bap ban kar soocho, kia waja batao ge betti ko ke tum ne usse apne azeem dushman ke hawlay kis aisi waja se kardia jo uske honay se bhi barh kar hai?" Wo usse ayinay main jo shakal dekha rahi thi wo bohaty bhayanak thi wo seh na paya tabhi chekha.."To kia karun? betta baich don? To bata kiya karun? Kaise bachaon ussay kia karun! bolo .. bolo na.. (uska gala rundh gaya) Kia haun ussay? kaise samna karon uska? kia kahun ke meri guriya tera baba tera soda teray bhai ke ewaz kar btha ab to meri guriya nahin rahi main ne haq kho dia?" Wo ro raha tha ... wo jo jageerdar tha, Jiska hukam ik gao'n manta tha wo ro raha tha girgira raha tha..

---------------------------------------------------------------------------------------

"Ama Bi!""Han put'r! bol..""Baba ko kia hoa subha se meray pass nahin aye.." Betian shayed hoti he khushgum'an hain."Kuch nahin put'r! To bhi na bas baba baba karti rehna kabhi usne nahin dekha to shikayat dekha to shikayat .. tujhe nahin pata kia ke zameeno main kitna bakhira hai" Ama bi ne jawab diya"Kia zameenain betion se barh kar hoti hain Ama Bi! meray liye to ktabain BABA se ziyada zaroori nahin hain na hi ashliya meri guriya agar main us se khail bhi rahi hoti hon to BABA ke anay par ussay chor kar BABA k pass chali nahin jati kia?" Wo bhi poti unheen ki thi.."Hain hian! na tera guriyon se khailna or uska zameendari ka kam barabar kaise hogaya! kia baat hai Wo to mera sona RAB kahir kare k to ik he hai nahin to na jane kia hota.. tera to bap ka kurta chornay ka dil he nahin karta" unhon ne revaiti aurat honay ka saboot dia."Ama Bi!""Huuuun? ab kai hai""Ama Bi! ye khoo'n baha kia hota hai?" Aisa laga jaise kisi ne us baray se zanan kahnay main mojoob sab ki quat-e-goyayi salb karli .. Ama bi ka chehra lathay ke manind safaid par gaya.."Bibi! apne kahan suna ye lafz?" Mayi shakoora ne Zohra se poocha"Baba ke kamray main kal lala keh rahay thay ke hum bhaya ko khoon baha dekar chura saktay hain...Ama malish to karain idr nahin hoi seedhi taraf "Zohra ne apni dhun main jawab diya.. Wo to keh kar chup hogai ye dekhay janay baghair ke uska bap zameen par beth gaya hai uski ankhon se shidat-e-ghum aya'n hai uske hoont phar phara rahain hain wo kuch kehna to chahta hai shyed maffi mangna chahta hai magar kuch bol nahin pa raha yahan tak ke is koshish main hawas kho bethta hai .. Hosh khonay se pehlay jo akhri lafz uske kano'n main para tha wo uski betti ki pukar thi, uski betti ka usse dekh kar wo "BABA" kehna tha.. KASH wo bas ye lafz sunta hoa mar jaye.. maut he to ab uski talab thi wo kaise dekh payega wo gulab chehra safaid rang main lipta wo nanaha sarapa wo bari bari ankhon main dard ka darya wo uska dehleez ka par karna wo bhi ik khoo'n bahay ki sorat main ..

--------------------------------------------------------------------------------------

"Sai'een!""Baba!""Badshah sai'een"Tarhan tarhan ki awazain uske kan'on main pari wo har bara ke utha dekha to manzar he oor sa tha"Muhib Ali! jao kalay bakray sadqa do meray lal ko hosh agya us Sonay Pak RUb ka karam hai" Ama Bi ne qareeb tareen kharay khadim ko hukum dia"Ama Bi! zohra!""han putar! waisay teri inhi baaton ne usse sar carha rakha hai na kuch kha rahi hai na pee rai hai jab se to is bistar par para hai wo dargha main bethi hai roti rehti hai RUB sonay se teri zidagi mangti rehti hai. han!.. ye teray liye banaya tha usne jis roz to behosh hoa tha hai to aj tesra din magar dekh le.." unhon ne uske hath main kaghaz ka ik tukra pakraya... Han! kaghaz ka tukr he to tha jo unke dil ke tukray ne likha tha go ke lafz mitay mitay se thay par pata khoob chal raha tha jo lafz nazar arahay tha wo ye thay "I love you Baba! please theek hojao!"..
Tabhi kamray ka darwaza khola wo pari paikar andar dakhil hoi.. hiran se tezi liye wo bap ke seenay se lagi hichkiyan bharnay lagi"Baba! apko pata hai ada ne kaha app behosh hogaye main ne kaha bhi app to so rahay ho par ada ne .. ada ne kaha mujhe kuch nahin pata unhain pata hai kiun ke wo betay hain ... baba! app batain na app so rahay tha na .. mujhe dar lag raha tha baba ab itti dair mat soiye ga please baba" Wo choti si 8 saal ki Zohra berabt andaz main najane kia kia keh rahi thi ke unahon ne use usko galay laga kar khosh karaya. Ankhain mondeen phir khud kalami ke andaz main kaha"Ye kis ne kaha ke betiyan kuch nahin janteen? ye beetiyan he to sab kuch janti hain. Inhain bachana hoga is sab se jo dekha hai gar wo khuwab tha to isse haqiqat main dhalnay se pehlay rokna hoga kaheen ye beetiyan rul na jain kaheen phir kisi ki kamsin masoom beti yun 'Khoo'n Baha' k naam par apno he ke hathon barbad na ho jaye" wo halkay halkay bol rahay thay ke do nanahay nanahay hathon ne unke behtay hoay anson ko saaf karte hoay beqara lehjay main poocha"Baba jani!""Jee! baba ka betta""Baba main beti hon""acha! baba ki beti""Ap kiun roay? dard ziada ho raha hai?" beti ke masoom lehjay ne shayed uskay tamam zakhum bhar diye (han use rokna hoga waqt k hathon in bettion ko rultay hoay)"Nahin betta! baba ki betti hai na baba ke pass phir dard kaise ayega?""Nahin ayega na?" Zohra ne beyaqeeni se poocha"Nahin ayega!" unhon ne yaqeen se kaha or usse galay lag liya or phir kaha "Ahhhhhhh! ye betiyan!"


P.S(Dedicated to all dad's and thier daughters!I LOVE YOU DAD! :( & Blimme its fo you DAD! )