Friday, October 24, 2008

Tafreeq!

Friday, October 24, 2008
"Jaldi karo! reh kahan gayeen theen tum?"
"Ahista bhae! sans to lene do.."
"Jaldi karo phir rasta nahin milega"
"Neechay bhi rash bohat tha tabhi dair hoi"
"Bas is kamray main chalo.. chalo na andar"
"Haye! thak gayi YA ALLAH! "
"Main bhi bohat thak gayi"
"Kal wo .... "
Mahool main yakdam paida honay walay shoor o ghul ne batanay walay ki awaz ko daba lia..
"KHAMOOSH!"
"Oi Allah! baray mian zara aram se khamosh kara detay.."
"Class aj hum Pakistan par hukomat karne walon ki baat karan ge.."
"Roz kia karte hain?"pehli boli
"Chup hojao! sun to lo.." dosri boli
Tabhi wohi pat-dar awaz gonji.
"Gen. Ayub Khan se lekar Gen. Musharraf tak... sab he ne mulk ka biragharak kia..."
"To ab kon sa acha ho raha hai" dosri boli
"Kuch bhi nahin.." pehli boli
Ghanti baji wo dio hikal wajood gaya or wo class jo ab tak khamosh thi ik dam shoor se bhar gayi tabhi ik muheen si awaz pehli ke kan main pari
"Lerkion! ye kia batamezi hai na salam na dua.."
"AsalamOalikum Miss" sab ne cheekh kar salam kia
"Hain! ye kon hai?" pehli ne dosri se poocha
"Islamiyat ki teacher" dosri ne kaha
"Han to lerkion hum kal baat kar rahay thay ke RASOOL S.A.W ne farmaya ke "Khuda ne kisi ujmi ko kisi arbi par na kisi arbi ko ujmi par foqiyat di..."
"Ye log Khuda or Uske RASOOL (S.A.W) ko mantay hain?" pehli boli
"Han ye log bhi musalman hain" Dosri ne jawab diya
Najane pehli kiya sooch rahi thi, dosri ne pehli ko dekha yahan tak ke class k tamam bachay chalay gaye pehli board par he nazrain garhi behtti rahi dosri ne khud he pehli ko mukhatib kia..
"Kia sooch rahi hon?"
"Jaldi karo! reh kahan gayeen theen tum?"
"Ahista bhae! sans to lene do.."
"Jaldi karo phir rasta nahin milega"
"Neechay bhi rash bohat tha tabhi dair hoi"
"Bas is kamray main chalo.. chalo na andar"
"Haye! thak gayi YA ALLAH! "
"Main bhi bohat thak gayi"
"Kal wo .... "
Mahool main yakdam paida honay walay shoor o ghul ne batanay walay ki awaz ko daba lia..
"KHAMOOSH!"
"Oi Allah! baray mian zara aram se khamosh kara detay.."
"Class aj hum Pakistan par hukomat karne walon ki baat karan ge.."
"Roz kia karte hain?"pehli boli
"Chup hojao! sun to lo.." dosri boli
Tabhi wohi pat-dar awaz gonji.
"Gen. Ayub Khan se lekar Gen. Musharraf tak... sab he ne mulk ka biragharak kia..."
"To ab kon sa acha ho raha hai" dosri boli
"Kuch bhi nahin.." pehli boli
Ghanti baji wo dio hikal wajood gaya or wo class jo ab tak khamosh thi ik dam shoor se bhar gayi tabhi ik muheen si awaz pehli ke kan main pari
"Lerkion! ye kia batamezi hai na salam na dua.."
"AsalamOalikum Miss" sab ne cheekh kar salam kia
"Hain! ye kon hai?" pehli ne dosri se poocha
"Islamiyat ki teacher" dosri ne kaha
"Han to lerkion hum kal baat kar rahay thay ke RASOOL S.A.W ne farmaya ke "Khuda ne kisi ujmi ko kisi arbi par na kisi arbi ko ujmi par foqiyat di..."
"Ye log Khuda or Uske RASOOL (S.A.W) ko mantay hain?" pehli boli
"Han ye log bhi musalman hain" Dosri ne jawab diya
Najane pehli kiya sooch rahi thi, dosri ne pehli ko dekha yahan tak ke class k tamam bachay chalay gaye pehli board par he nazrain garhi behtti rahi dosri ne khud he pehli ko mukhatib kia..
"Kia sooch rahi hon?"


"Kuch nahin .. ye sab kahan gaye?" pehli boli
"Neechay gaye hain magar tum kiya sooch rahi hon or itni chup kiun ho?" dosri ne pocha..
"Ik baat sooch rahi hon" pehli ne sar utha kar kaha
"Aray wohi to pooch rahi hon kya sooch rahi ho" dosri ne beqarar hotay hoay pooch..
"Main sooch rahi hon k.. Hum insaano k liye barabar hain .. chahe hum cheen k hon ya arab ke bangladesh ke ya libiya ke.. hum kisi bhi mulk ke hon kisi bhi shehr ke hon hum inke liyay chitiyan he hain" pehli ye keh kar ruk gaye..
"Han (soochtay hoay) to...?" dosri ne hirat se pehli ko dekha..
"To ye sirf insaan kiun nahin hain ye Pakistani ... Amreci ... Irani ... Iraqi ... kiun hain? ye bas Insaan kiun nah..."Pehli yaheen tak bol payi ki thi bahar dhamaka hoa... dewarain gireen bachon ka shor ... unki cheekhain.. unki ahain fiza main gonjeen..
"Tum theek ho?" pehli ne dosri ki tabha halat ko dekha.
"y yeee kiiiiiia hoooooooooa?" dosri ne pehli se poocha
"Lagta hai bomb phatta hai .... suno tum theek ho?" dosri ka kharab hal dekhtay hoay pehli ne daray hoay lehjay mein poocha..
"Main .. bas.. han! tum ik baat sun lo jis din ye log insaan ban gaye na apne apko bas insaan kehnay lagay us din se ye bombar (sans ruki) khudkash dhamkay karna chor daingggggeeee YYYYYYYAAAAA AAAAAAAAAALLLLLLLAAAAAAHH" dosri ne akhri sans li or pehli ko chor kar un na jane kitnay logon ki tarhan jo in khudkash bomb dhamkon main apne jaan dedetay hain, us bargah-e-rabi main hazri dainay chali gayi!

P.S( Mujhe nahin pata ye kiun likhi main ne par han ye pata hai k ye likhi main ne hai..)

0 blogger feels ..:

 
◄Design by Pocket, BlogBulk Blogger Templates. Distributed by Deluxe Templates