Wednesday, October 12, 2011

Who is big?

Wednesday, October 12, 2011 11
I am the smallest in family. All of them are big and they are always ready to recall that they are larger then me. I have 3 bhai and 1 appa. I love amma papa they let me use cell phone bhai and appa never let me. They think they know about laptop but they don’t know, I know about the password. They think little I think big so who is big? we sleep in one room so I know big and sab (everything). I know appa read novel chup chup k in course book I know big bhai tells sab kuch sotay way. 2 walay bhai 1 walay ka gel use in washroom raat ko chup chup k and take pictures. 3 walay bhai pee in his bed and change and subah ko say I did it. I know sab they dont knwo k I know so who is big?


294112_198958310173231_178449362224126_430138_872425005_n

P.S (all is work of fiction)

Sunday, September 11, 2011

Me aur Barish <3

Sunday, September 11, 2011 7

Me aur barish akele thay. Asma’n pe wo jalwafigan thi aur zamen par main jalwagar. Har ik khush tha aur me, me muntazir. Suna tha main ne k ye barish jumood ka hai ayi qatl karne, umeed ka phir diya jalanay. Thakan zada har ik matti k na-khuda ki piyas bujhanay, magar hoa to kuch ye mukhtalif hai. Jo dikhtee’n hun nazar utha kar to tamam matti hai pani paani aur jo nazar jhukaon to manzar bilkul he mukhtalif hai. Me pyas apni bhuja to lun par zameen e dil par ye khoo’n ki lariyan abhi bhi halke halke sisak raheen hain.  Ye dheere dheere machal raheen hain, mujhe aur barish ko tak rahi hain…

- unhinGed ~

girl_in_the_rain

Thursday, June 2, 2011

Mushkil batain!

Thursday, June 2, 2011 4

Amma kehti theen jhoot naheen bolte. Main ne poocha bhi ‘Amma! jhoot kia hota hai’. Kehnay lageen ‘Jiska wajood ho he na wo jhoot hai’, bas tab se aj tak main yaqeen o be yaqeeni k kaifiyat main dolte hoay zindagi naam k is bhayanak khooni samandar me hr ati jati lehron k saath dol ri hun. Amma ghalat to kehteen nahi theen par jo wo kehti theen wto aj hai he naheen mojood. Wo kehti theen ‘hum sab k oper bhi koi hai jo dekhayi naheen deta par hai’, magar yahan to har koi apne ap main KHUDA hai. Unhon ne sekhaya tha ‘Dost saath rahain na rahain dosti saath rehti hai’, par amma sach dosti hoi ya jhoot dost?
Jab hath main chot ayi thi tab patti karte hoay amma ne kaha tha ‘nazar anay walay zakhmon se gheray wo ghao hotay hain jo dekhte naheen’, to unki patti kiun naheen karta koi? Log jo dekhte hain, jo sunte hain wohi to wo mante naheen. To kia jhoot wo hai jo nazar naheen ata ya sach wo hai jo zahir hai…  Shayed Amma he mushkil batain karti theen…

Friday, May 27, 2011

Yak-tarfa (One sided)

Friday, May 27, 2011 7

Koi tum se bhi, ab! agar poochay to tum bhi keh dena, ye sab rishtay ajab he hain. Sab he ke rang niralay hain. Koi ehsaas ki manind hameesha saath rehta hai, koi chand ki manind bdli me chupta phir nikalta hai, koi phol ke jaise nazakat se sanwarta hai or koi kaanch ke jaise hameesha chubhta rehta hai. Ye sab rishta alag se hain sab he k andaz juda se hain. Magar yeh sab yaak-tarfa rishte hain. Mein ne sari umr yeh apni inhe soochon me guzari hai, taluq yak-tarfa naheen hotay. Ye dastoor he naheen inka, magar ab jo inko jiya hai to samjh me agaya ab ye k sab kuch he hum se hain. Han bas fark itna hai hai k jisse taluq ho uski ummeed ka mehwar bhi hum he hojate hain. Sab he lafz, sab he batain, sab he rasmain, sab he rang tum se he rehtay hain. Koi roothe tu hum chootay ki tafseer ban jana, wo na bolay to gum sum tasveer ban jana, bhala kahan ki yeh sharafat hai?? Kia ye mohabbat hai, ye ibadat hai…

- UnhinGed ~

Sunday, February 6, 2011

Thought # 0 paragraph 5 :P

Sunday, February 6, 2011 7
Mujhe naheen maloom har ghum ki aziyat ik jaisi he hoti hai ya kuch ghum dosron se baray hotay hain. Mujhe aj bhi yad hai main bhi har bachay ki tarhan sahil k pass matti k gharonday (ghar) bana kar bohat khush hoti thi, pani ki har onchi lehr ko ata dekh kar uskay gird hath yun rakh leti thi jaise mere hath us gahr ki hifazat kar lain ge. Usay bacha lain ge! Wo onchi lehrain sirf un mitti k gharon ko he naheen meri umeed meri khushion sab ko ghari bhar k liye he sahi apne hajam(size) se dara deti theen. Aj itnay sal guzar janay k bad bhi wo lehrain mujhe mehsoos hoti hain. Wo dar aj bhi lagta hai, wo halat mukhtalif hain. Ab na wo matti k gharonday hain na sahil k pass wo ghar bananay ka waqt. Zindagi to badal gayi laikin wo asasa chin janay ka khauf aj bhi mere andar mojood hai. Us waqt ki tarhan aj bhi main khamosh hun. Hathon ko ghardon k gird rakh kar jis tarhan tahafuz dene ki sayi (koshish) karti thi usi tarhan aj bhi har tofan ka muqabla karte hoay khud ko mazbooti se khara rakhnay ki koshish zaroor karti hun. Dar achi cheez hai ye humin ehsaan dilata hai k koi sheh humaray liye kitni zaroori hai par kabhi kabhi yeh andar se yun kuch khatum kardeta hai k admi sans bhi leta hai or mar bhi jata hai…

P.S( I am perfectly fine not upset at all… its just a thought) :)

- UnhinGed!

Saturday, January 8, 2011

be-rabt!

Saturday, January 8, 2011 2

Mujhe naheen maloom shayer shairi main kisko khojtay rahte hain. Kia gulaab ka zikr krte hoay bhi wo us pari-wsh ki tasveer ankhon main sajaye hotay hain ya dehaaan main bas woi gulaab uski narmi basi hoti hai. Mujhe ye bhi naheen maloom bananay wala khoobsurti ko, kamal par foqiyat deta hai ya naheen. Mujhe bas itna pata hai k mera din dhalnay se lekar subh-e-sehr tak unwannay guftago ik he zaat hai. Kuch soochain hoti he itni haseen hain k alfaaz unke liye kam par jatay hain wo to phir shaks hai. Main naheen chahti k wo kabhi bhi yeh parhay meri tehreeer samjh kar magar kabhi parhay agr to un andekhay jazbat ko jinhun ne majboran mujh se ye likhwaya. Main ab tak halat-e-khuwab main hon, ho sakta hai jab ankh kholay to yeh sab mojood he na ho magar jo abhi hai wo haseentareen hai. Hosakta hai wo mujhe na chahta ho magar meri mohabbat k liye yeh zaroori he kab raha hai ab ya shayed yeh bhi ik farzi baat hai. Abhi khuwab main hon to kehna asaan hai. Han uski judayi shaaak hogi dil par magar ……

 
◄Design by Pocket, BlogBulk Blogger Templates. Distributed by Deluxe Templates