'MulaQaat' ! (II)

"Kahan theen itnay din?"
"Kaheen naheen"
"Matlab?"
"kuch naheen"
"To ayeen kiun naheen itnay din?"
"Aise hee.."
"Aise hee kya?"
"Kuch naheen"

Main pata naheen kiun phir chup si hogayi shayed meray sawal khatum hogaye thay ya shayed uske jawabat hogaye thay.. waisay ye "SHAYED" bhi kitna doghla lafz hai na! isse laga ke jumlay main app kuch bhi keh saktay hain or phir baray aram se app us baat se apni lataluqi bhi zahir kar saktay hain (mujhe apni halat par hansi arahi thi or kiun na ati main aksar apne app koi bhi nahin bakhshti).=)

"Pata hai kya..!"main apni zaat main gum hoa chahti thi ke wo mujhe haal main hench lai
"Kia?" main ne use sawaliya nazron se dekha mujh se nazrain churatay hoay usne apne dikhnay ka zaviya badal dala
"kuch nahin!" usne hathon main chehray ko chupa lia bilkul aise he jaise shutarmurgh rait main apna mun chupa leleti hai bilkul aise he jaise kabotar ane walay halat se khud ko bekhabar zahir karne k liye ankhain band karleta hai! magar... usse hoa kia? main ne kuch soochtay hoay ussay dekha kaheen... nahin nahin (mera demgh bhi na minute nahin lagta phalangnay main high jump ka shoqeen jo t'hera)

"Acha na batao kuch bhi sirf itna bata do mad-e-muqabil kon tha?" Main ne usse uksaya
"Uski to main...." wo kuch kehtay kehtay ruk gaye
"Na na gaali nahin ALLAH naraz hojain ge" main ne use gali denay se ruka tha
"Allah razi kab hai?"usne mauskun lehjay main kaha
"Allah na kare ke Allah tum se na-razi ho .. hoa kiya hai? ye to batao na.." main ne usse kuraidnay walay andaz main samjhaya
"Tum itni mutmaeen kaise rehleti ho? tum khushnaseeb ho jo khuda sameet ye jahan bhi tum par mehrba'an hai" Wo najanay meray samjhanay ko kiya samjhi jo itna kuch bol gayi andar kuch chbha tha.. kuch dard utha tha ander..
"Main samjhi nahin kiya kehna chahti ho tum? main to bas tumhain ..........." mujh se bola he nahin gaya ander ajeeb tor phorh ho rahi thi ..
"Naheen wo main...shit yar! dekh yar I am sorry mujhe maaf karde aj mera demgh kam nahin kar raha please mujeh nahin pata kya aul faul bol gayi main " Wo pata nahin kya kuch keh rahi thi magar mujhe to usne mazi ke puranay qissay main kisi urani jaga pe lakhra kia tha.. jahan yehi sab tha bas kirdar koi or tha... han koi or tha wo to naheen thi han wo nahin thi .. main khud ko samjha rahi thi magar meray gird andheray chah rahay thay jo awaz kano main gonj rahi thi wo jani pehchani thi han main pehchanti thi is awaz ko or pata hai wo wohi nazam suna rahi thi jo usse bohat pasand thi pata hai kon si nazam ..? ye wali!

Kaise karigar hain ye!
Aas k darkhton se,
lafz kat'tay hain or sirhiyan banatay hain,
kaise bahunar hain ye!
Ghum k beej botay hain,
or dilon main khushion ki khaitian ugatay hain,
kaise charahgar hain ye,
Waqt k samndar main,
kishtian banatay hain ap doob jatay hain!

To Be Continued...

P.S( I cant write more but wanted to so i wrote it. I am sorry readers!)