Be-rabtagi…

Agr ye lafz kafi hon to main likhon mujhe jo kuch be likhna hai, ‘me’ se ‘tum’ ka safar ab te’h he karna hai. Naheen ye nazm, jisse tum bhool jaoge. Naheen ye khat jisse tum gar jaldo to saboot-e-mohabbat mit he jayega. Mere aghaz se lekar mere anjam tak ye safar bohat he be-yaqee’n sa hai. Karon main kia k yahan jeena he itna mushkil hai… Bas sanson ki he rawani hai. Na Rawaiyon main wo pehlay si khush-numayi hai, na guftar me wo halawat hai. Yahan to wo alam hai k ghubaray bhi phathain to dar sa lagta hai. Hujoom dekh kar sansain apni raftar kho bethti hain. Zameen jo pani se dhulnay ki adi thi wo khud par  behta hoa lahoo dekhay bhi to kaise? Mujhe na janay kiun ye lagta hai zameen jab khiraj apna mangay gi tab karain ge kia?? Ye khudsakhta bekhuaf deen k muhafiz kahain ge kia, karain ge kia? Gar KHUDA ko ghazab aya??